Хоакин Феникс Джокер рөлі жайлы сөз қозғағысы келмейді
Жақында актер Хоакин Феникс («Сен ешқашан бұл жерде болмағансың», «Мария Магдалина») режиссер Тодд Филлипспен («Қарулы жігіттер», «Қыл өтпестей») кездесті. Олар Филлипс түсіруді жоспарлап жүрген «Джокер» фильмі жайлы әңгімелесті. Бұл келіссөз нәтижесіз болса да, Феникс экранда Джокер мінезін сомдап беруге келісім бергендей болды. Актер бұл рөлге қатысты үндемеуге тырысады, дегенмен «мұның қызықты болуы мүмкін» екендігін де жасырмады. Оның жеке пікірінше, егер жоба оны қызықтырса, ол кез-келген рөлді сомдауға дайын.
«Мен бұл жұмысқа басқа фильмдерге қарағандай қараймын. Мысалы, мен вестерндерге түспеймін деп те айта алмаймын. Расында да, мен жанрларға аса қызықпаймын, мен үшін кейіпкердің өзі және түсірілім алаңындағы режиссер маңызды. Егер мүмкіндігім болса, қалаған нәрсемен айналысқым келген кезде, өзімді жаңа жанрда байқап көремін. Рөлді барынша ашуға тырысқан сәттер де болды. Қайталап айтамын, мен үшін сол қызық болғандықтан ғана, барлығын шынайы сезіндім», - деп пікір білдірді Феникс Филлипстің таспасындағы Джокер рөлі жайында.
1 пікір
Пікір қалдыру үшін
Мырзахмет
6 апреля 2018, 00:47Удачи, образ твой это на глазах твоих написано. Ты сыграешь его так как никто не играл. Войди в роль и сделай это.