Қанағат Мұстафин «Мұражайдағы практиканттар» хикаясының түсірілімін аяқтады
Режиссер Қанағат Мұстафин («Ең сұлу қыз») «Ректор» хикаясының түсірілімін аяқтады. Көпсериялы таспаның «Мұражайдағы практиканттар» деген уақытша атауы болған.
«Ректор» хикаясы – Ұлттық мұражайда тәжірибеден өтіп жүрген студенттер туралы хикая. Балалар мәдениеттің көне ескерткіштерін және ата-бабаларының ерекше әлемін зерттеп қана қоймай, қызықты оқиғалардың куәсі атанады.
Авторлардың айтуынша, хикая көрермендерге ұнауы тиіс.
Шытырман оқиғалы таспаның кейіпкерлерін жас актерлар: Нұрсұлтан Сыдық, Әсел Нұртазина, Данияр Оразаев, Таңсұлу Баталова және Жұлдыз Ерболат сомдады. Сондай-ақ, түсірілімге Айгүл Иманбаева, Әсел Акбар және Ғани Құлжанов қатысты.
«Ректордың» түсірілімі Астанада өтті. Картина өндірісімен Aray Media Group компаниясы айналысты. Жобаның бас продюсері - Алмас Әлімжанов.
Хикая «Рухани жаңғыру» мемлекеттік бағдарламасы аясында Қазақстан Республикасы Ақпарат министрлігінің тапсырысымен түсірілді.
пікірлер жоқ, бірінші болыңыз
Пікір қалдыру үшін