«Мұражайдағы практиканттар» хикаясының түсірілімі басталды
Астанада режиссер Қанағат Мұстафиннің «Мұражайдағы практиканттар» атты жаңа хикаясының түсірілімі басталды. Картина өндірісімен Aray Media Group компаниясы айналысып жатыр. Жобаның бас продюсері - Алмас Әлімжанов.
«Мұражайдағы практиканттар» - жастарға арналған фантастикалық хикая. Астанадағы бір жоғарғы оқу орнының студенттері Қазақстан Ұлттық мұражайында тәжірибеден өте жүріп, көне артефактарды зерттейді, еліміздің бұрынғы тарихымен танысып, Қазақстан мәдениеті ескерткіштерінің көмегімен таңғажайып оқиғаларға қанық болады. Сюжет барысында бұрынғы уақытта өмір сүрген жасанды кейбір мүсіншелер тіріледі де, ата-бабаларымыздың қызықты әрі әсерлі әлеміне жетелейді.
Суреттер Қанағат Мұстафиннің жеке Instagram парақшасынан алынды
Хикаядағы басты рөлдерді танымал кино әртістері: Ғани Құлжанов, Айгүл Иманбаева, Ернар Жұматаев, Әсел Акбар, сондай-ақ жас актерлар: Нұрсұлтан Сыдық, Әсел Нұртазина, Данияр Оразаев, Таңсұлу Баталова және Жұлдыз Ерболат сомдайды.
Хикая Қазақстан Республикасы ақпарат Министрлігінің тапсырысы бойынша «Рухани жаңғыру» ұлттық мемлекеттік бағдарламасының қамқорлығымен түсіріліп жатыр.
Түсірілім 2017 жылдың қазан айына дейін жалғасады. Барлығы 12 бөлімнен тұрады, әр бөлімнің хронометражы 25 минутты құрайды.
пікірлер жоқ, бірінші болыңыз
Пікір қалдыру үшін