ТМД мен Шығыс Еуропаның ірі қызметінде «Қазақфильм» картиналары пайда болмақ
«Қазақфильм» киноөнімдері ТМД мен Шығыс Еуропаның ең ірі бейнеқызметінде пайда болмақ. Ұлттық киностудия өзінің өндірген 100-ден аса фильмдері мен хикаяларын Megogo қызметіне беру туралы келісімге қол қойды. Қазақстандық картиналар 2018 жылдың 1 қыркүйегінен бастап онлайн түрде қол жетімді болады.
«Қазіргі таңда біздің аудиториямыз әлем бойынша ай сайын 50 миллион ерекше пайдаланушыны құрайды. Егер Қазақстан туралы айтар болсақ, бізді 2 миллиондай пайдаланушы көреді. Ақыры, ұзақ келіссөзден соң, Шәкен Айманов атындағы «Қазақфильм» киностудиясымен керемет келісім-шарт орнаттық. Megogo ұлттық қазақстандық киноны бүкіл әлем аймағында көрсетуге мүмкіндік алды. Біз үшін жергілікті продакшн мен контентті көрсету өте маңызды», - деді бейнеқызметтің Орта Азиялық кеңсесінің бас директоры Нұрлан Чукубаев.
Киностудия Megogo-ға 148 ойын картинасын, деректі фильмдердің 1 топтамасын – «Мәдени мұра» мен «Астана, махаббатым менің» таспаларын ұсынды. Көпшілік көрерменге қазақстандық кинематографтың алтын топтамасы: «Біздің сүйікті дәрігер», «Менің атым Қожа», «Қыз-жігіт», «Тақиялы періште» және т.б. картиналар ұсынылады.
Келісім-шартқа сәйкес, контент ақылы түрде қол жетімді болады.
Еске сала кетсек, алдыңғы жолы «Қазақфильм» мұрағаты «Бродвей» кинопорталының онлайн-кинотеатрына қойылған болатын. Киностудия цифрланған 645 картина ұсынған.
пікірлер жоқ, бірінші болыңыз
Пікір қалдыру үшін