«Қазақфильм» жекешелендірілетін нысаналардың тізімінен шығарылды
«Қазақфильм» киностудиясы жекешелендірілетін нысаналардың тізімінен шығарылды, деп хабарлайды Tengrinews.kz.
«Қазақфильм» баспасөз-қызметінің басшысы Айнұр Исаеваның айтуы бойынша, қоғам қайраткерлері мен депутаттар студияны тізімнен алып тастауды сұрады. Кейін ол әзірге киностудияны толықтай тізімнен шығарып тастаудың реті келмейтінін де айта кетті.
«Қазір киностудия әлі де тізімде тұр, бірақ Мәдениет және спорт министрлігі кезегі келмеу үшін, киностудияның тізімдегі орнын жыл сайын жылжытып отырады. Министрлік «Кино» туралы заң қабылданғаннан кейін, бізге бұл сұрақтардың шешімі табылатынын хабарлады», - деп қоса кетті Исаева.
Еске салсақ, өткен жолы Мәдениет және спорт министрі Арыстанбек Мұхамедиұлы киностудияның төрт-бес жыл бұрын жекешелендірілетін нысаналардың қатарында болғанын айтқан еді. Осы уақытқа дейін сатып алушылар табылмады.
Мәжілісмен Қуаныш Сұлтановтың пікірінше, егер киностудияны шетелдік компаниялар сатып алатын болса, Қазақстан отандық киносынан айырылады.
«Студияны сатып алған адамның өз идеологиясын жүргізетіні сөзсіз. Сол кезде біздің дарынды жас киномамандарымыз берілген тапсырысты еріксіз орындаулары тиіс болады», - деді Сұлтанов.
пікірлер жоқ, бірінші болыңыз
Пікір қалдыру үшін