«Қазақфильм» 10 қысқаметражды фильмнің өндірісіне кіріспек
«Қазақфильм» киностудиясының жанындағы «Дебют» шығармашылық-өндірістік бірлестігі сценарийлер байқауының жеңімпаздарын жариялады. 10 кинематографшы дебютті қысқаметражды фильмдерінің өндірісіне қолдау тапты. Көрсетілімге барлығы 80 жұмыс қатысқан болатын.
Нәтижесінде, «Қазақфильм» киностудиясының негізінде 10 қысқаметражды ойнамалы дебютті-фильмдер өндірілетін болды:
«Жағдайы: бос емес» жобасы, кейіпкері махаббатпен ауырады. Ол ауырған соң сүйіктісін тым қатты бақылайды. Режиссері әрі сценарий авторы - Мәди Балжанов.
«Жұлдыздар» фильмі, жұлдызды аспанға қарауды ұнататын кішкентай қыз туралы баяндайды. Әр түн сайын ол тілек тілеу үшін ағып жатқан жұлдызды іздейді. Режиссері - Бексұлтан Әнуаров, сценаристі - Асқар Абдуллаев.
«Пайдасыз жаратылыстар» картинасы, болашақ фильмдерінің идеясын ойлап жүрген екі бала туралы әңгімелейді. Сценарий авторы әрі режиссері - Жәнібек Мұртазин, қосалқы авторы - Бауыржан Молдашбаев.
«Домбыра» таспасы, сюжетте 8 жасар домбырашы Ахмет. Маңызды бір шараның алдында балақай домбырасын жоғалтып алады. Режиссері, сценарий авторы - Рамазан Халиолла және қосалқы авторы - Жанат Жайлыбай.
«Жюль Верн жайлы емес» қысқа метрі, сюжеті туған ауылына келген ағайынды екеудің айналасында өрбиді. Жас жігіттер бұрынғы құрбыларына кіріп шығуды жөн көреді. Таспаның қоюшысы - Талғат Әбішев және сценаристі - Әділ Нұрмұхамбетов.
«Муза» фильмі, кейіпкері Сәкен есімді композитор, оның өмірінде шығармашылық тоқырау басталады. Еркек ішімдікке салынады. Режиссері әрі сценарий авторы - Арман Қайыржан.
«Қос ағаш» картинасы, сұмдық көліп апатынан соң оңалуға тырысатын отбасы жайлы баяндайды. Режиссері - Рахымжан Қалдыгөз және сценарий авторы - Шыңғыс Маманов.
«Тиын» таспасы, 5 жасар балақай қайтыс болған әкесінің оралатынына сенеді. Қоюшысы әрі сценарий авторы - Мұрат Есжан.
«Тамыз» жобасы, сюжетте ауылдағы балақай көрсетіледі. Ол бар күшімен мойнына артылған мәселелермен күресуге тырысады. Режиссері әрі сценаристі - Жандос Құсайынов.
«Тыныштық жыры» картинасы, оқиға ҚазКСР кезінде 1940 жылы болған. НКВД-нің екі қызметкері тапсырманы орындау үшін жалғыз қазақ үйге кіріп келеді. Режиссері әрі сценарий авторы - Бағлан Құдайберлиев.
Картиналар жас режиссерлардың, «Дебют» жетекшісі Анар Қашағанованың және «Дебюттің» көркемдік жетекшісі Дәрежан Өмірбаевтің қатысуымен «Арман» киноорталығында көрсетілді.
пікірлер жоқ, бірінші болыңыз
Пікір қалдыру үшін