«Қазақфильмге» Қожа Ахмет Яссауи мен Қорқыт ата туралы фильм түсіруді ұсынды
«Қазақфильм» киностудиясына Қожа Ахмет Яссауи мен Қорқыт ата туралы фильм түсіру туралы ұсыныс келді. Идея киностудия қызметкерлерінің түрік режиссерлары Онер Кылыч пен Мұстафа Угуру Ягджыоглу және продюсер Ахмет Едебалимен кездесу барысында айтылды.
Онер Кылыч «Қазақфильм» өкілдерімен кездесу аясында қазақ пен түрік мәдениеті тарихының ортақтығын тілге тиек етті. Ол түрік халқының әйгілі өкілдері: Қожа Ахмет Яссауи мен Қорқыт ата жайында бірігіп фильм түсіруді ұсынды.
Айта кету керек, Онер Кылыч үш жыл бойы Астана мен Алматыда түрік киносы апталығын ұйымдастырып келеді.
Еске салсақ, «Қазақфильм» қоржынында шетелдермен бірігіп түсірген 4 фильмі бар: «28 панфиловшылар» (Ресей), «Love you family» (Үндістан), «Әміре» (АҚШ) және «Композитор» (Қытай).
Суреттерді Ш. Айманов атындағы «Қазақфильм» киностудиясының баспасөз қызметі ұсынды
1 пікір
Пікір қалдыру үшін
Мырзахмет
14 января 2018, 02:33Поддерживаю, наша история наше будущее. Это очень важно.