Қазақстандық фильмдер Asia Pacific Screen Awards байқауына қатысуда
Режиссер Эмир Байғазиннің «Өзен» фильмі, Жанна Исабаеваның «Светасы», Әділхан Ержановтың «Әлемнің мейірімді бейжайлығы» картинасы және Сергей Дворцевойдың «Айкасы» Asia Pacific Screen Awards жүлдесінің үміткерлері тізіміне енді.
Эмир Байғазиннің «Өзен» фильмі «Режиссурадағы табыстар» номинациясына қатысады. Оқиға ағайынды бесеудің айналасында өрбиді, олар барлығынан жырақта өмір сүріп, нағыз өмір туралы біле бермейді. Бірақ, қаладан қонақ келген соң, олардың тағдыры өзгеріске ұшырайды.
«Өзеннің» жаңалықтары мені және тобымды қуантады, оларға шексіз ризамын. Бұл адамдар маған ғана емес, менің идеяларыма да адал. Мәдениет министрінің басшылығына да назар аударып, сенім білдіріп, қолдағандары үшін алғыс айтамын. Әрі қарай да түсіністік орнатып, ортақ табыстарға жетеміз деп ойлаймын», - деп бөлісті режиссер.
Жанна Исабаеваның «Света» фильмінде басты рөлді сомдаған Лаура Королева үздік актриса атауына үміткер. «Света» фильміндегі оқиға Алматыда тұрып, тігін тігу кәсібімен айналысатын саңырау кейіпкердің айналасында өрбиді. Оның өмірінде көзқарасын өзгертетін оқиғалар орын алады.
«Айкаға» түскен Самал Еслямова да «Үздік актриса» категориясында бақ сынайды. Сюжеті эмигрант қыз Айканың Мәскеудегі өмірін баяндайды, ол үлкен қиындықтарға тап болады.
Әділхан Ержановтың «Әлемнің мейірімді бейжайлығы» «Ерекше сценарий» номинациясына ұсынылды. Режиссердің бұл таспасы қалаға көшіп келіп, жолдарында бұл өмірдің қаталдығына кезігетін ғашықтар жайлы баяндайды.
Жеңімпаздардың есімін 29 қарашада білетін боламыз. Азия-Тынық мұхиты киножүлдесінің марапаттау салтанаты Аустралияның Брисбен қаласында өтеді.
пікірлер жоқ, бірінші болыңыз
Пікір қалдыру үшін