«Бродвей» кинопорталы Award.kz интернет жүлдесімен марапатталды
Жақында Award.kz XV Ұлттық интернет жүлдесінің жеңімпаздары анықталды. «Бродвей» кинопорталы «Масс-медиа» номинациясын иеленсе, портал ұйымдастырған жыл сайынғы Республикалық «Байқоңыр» қысқаметражды кинофестивалі «Мәдениет пен өнер» номинациясын жеңіп алды.
Казнеттің басты байқауына 270-тен жоғары веб-ресурс қатысып, 12 тақырыптық және 9 арнайы номинацияларға таласты. Жеңімпаздар қазылар алқасының және ғаламтор қолданушыларының дауыс беру нәтижесі бойынша анықталған. Қазылар алқасының құрамында Қазақстан, Ресей, АҚШ, Украина елдерінің сарапшылары болды. «Бродвейге» Catch.today, Устинка Live, Азаттық радиосы, 365info және Уникальный Казахстан сайттары бәсекелес болды.
Марапаттау салтанаты Алматыда өтті. Кештің жүргізушісі актер әрі қоғам қайраткері Әнуар Нұрпейісов болды. Ал арнайы мүсіншелер мен естелік дипломдарын актер Әзиз Бейшеналиев ұсынды.
AWARD.kz жүлдесі – 1999 жылдан бастау алған Қазақстан сайттары арасындағы ұлттық байқау. Аталмыш байқау жыл сайын ақпарат сапасын, дизайн мен ресурстардың техникалық қызметін бағалай отырып, үздік сайттарды анықтайды. Жүлденің басты мақсаты – Қазақстандағы ғаламтордың дамуына үлес қосу.
Еске сала кетсек, 2016 жылы Brod.kz «Мәдениет және өнер» санаты бойынша үздік атанған болатын.
Суреттерді AWARD.kz Ұлттық интернет жүлдесі ұсынды
1 пікір
Пікір қалдыру үшін
Мырзахмет
14 января 2018, 02:38Круто ребята, вы лучшие. Вы дорога в жизнь в кино и в Голливуд и Каны.