«Арман» Лос-Анджелесте Халықаралық азиаттық кинофестивальде таныстырылады
АҚШ-тың астанасында Avalon кинотеатрында «Арман» отандық фильмінің тұсаукесерлі көрсетілімі өтті, картина Америка көрермендерінің көңілінен шықты. Ал 25-ші қазанда картинаны Лос-Анджелесте Халықаралық азиаттық кинофестивальде таныстырады.
Картина режиссері – Рашид Сүлейменов. Фильмдегі басты рөлдерді Қайрат Нұртас пен Жұлдыз Әбдукәрімова сомдады.
Драманың бас продюсері Гүлзира Айдарбекова кинотаспаны шетелдік аудиторияға өзі ұсынбақ ниетпен Вашингтонға барды.
«Вашингтондағы көрсетілімімізге келген барлық жандарға алғыс айтамын. Бұл - біз үшін үлкен құрмет және қоғамдағы өзекті мәселелерді көрсетуге арналған зор мүмкіндік. Біздің фильмде бассыздық пен жазасыздық мәселелері қозғалады. Кинода әділдіктің жоқтығы, сот ісіндегі қателіктер, зорлық сынды бізде айтыла бермейтін дүниелер көрсетіледі. Фильмнің сіздерге ұнағанына өте қуаныштымын», - деп бөлісті әсерімен көрсетілімнен кейін продюсер.
Әнші Қайрат Нұртастың жары Жұлдыз Әбдукәрімова үшін бұл фильм кинодағы дебюті болды. Сондай-ақ, картинадағы рөлдерді Олжас Нұрбаев, Дархан Манақов, Шадияр Абдуллаев және Елжас Рахымбеков сомдады.
Еске салсақ, «Арман» драмасы отандық айналымға 2017 жылдың қазанында шыққан болатын.
пікірлер жоқ, бірінші болыңыз
Пікір қалдыру үшін