Қайрат Нұртас «Арман» драмасын таныстырды

11 Қазан, 2017
Мадина
1 760
0

Алматыда Қайрат Нұртастың қатысуындағы көптен күткен «Арман» фильмінің тұсауы кесілді. Дегенмен, қазақстандықтар кинода әншінің өзін ғана емес, жары Жұлдыз Әбдікәрімованы да көруге асықты.

«Арман» кинотаспасы үйлену тойына дайындалып жүрген Арман есімді бойжеткен туралы баяндайды. Бір күні Арман зорлыққа ұшырайды да, қыздың бар армын күл-талқан болады. Басты кейіпкерді Жұлдыз Әбдікәрімова сомдады. Бұл фильм Жұлдыздың 10 жылдық үзілістен соң кәсіби актриса ретіндегі алғашқы толық метрі болды.

«Көпшілігі фильм сюжеті Қайраттың жеке өмірінен алынған деп ойлайды. Алайда, олай емес. Бастапқыда бізге сценарийдің бірнеше нұсқасы ұсынылған, бірақ ақыры көрерменді ойландыратын терең мағыналы сюжетті таңдадық. Маған фильмге түсу оңай болды деп айта алмаймын. Көпжылдық үзілістен соң түсірілім барысына үйрену қиын болды. Түсірілім тобына қолдау көрсетіп, түсіністік танытқандары үшін алғыс айтқым келеді».

_{Сурет Гүлзира Айдарбекованың Instagram парақшасынан алынды}

Қайрат Нұртас өз фильмінде күйеу жігіттің ғана рөлімен шектелген, фильмнің басты жұлдызы оның сүйікті жары болды.

«Кез-келген шығармашылық адамы өз дарынын паш етіп, белгілі бір іс арқылы көрсетуді қалайды. Жұлдыздың мамандығы әрі жан-дүниесі актрисалыққа жақын, мен оның арманының орындалуына үлесімді қоса алғаныма қуанамын. Ұзақ жылдар бойы жарым мені әрдайым қолдап келді, енді менің де оған көмектесетін кезім жеткен сияқты»,-деді Қайрат.

Режиссері Рашид Сүлейменов болды. Драма 2017 жылдың көктемінде «Қалыңдық» деген уақытша атаумен түсірілген. Таспа өндірісімен Kairat Nurtas Production компаниясы айналысты.

«Фильмді көрген көрермен актерлардың сәтті ойнап шыққанын байқай алады. Мен Жұлдыздың ойынына ерекше таң қалдым. Түсірілімнің бірінші күнінен-ақ алдымда үлкен мақсаты бар актриса тұрғандығын түсіндім. Болашақта оның бағы кинода жанады деп үміттенемін»,-деп бөлісті Рашид Сүлейменов.