Құралай Анарбекова: «Табандылық пен өз-өзіммен жұмыс істеу арқылы Каннға келдім»
Актриса әрі продюсер Құралай Анарбекова Астанадағы Global Silk Road Халықаралық конференциясының аясында өткен «Әйелдер – Жібек жолы көшбасшылары» дөңгелек үстелінің қатысушысы атанды. Отандасымыз сөз сөйлеу барысында табысқа жету жолдарымен бөлісті. Бұл туралы www.expoandwomen.com хабарлайды.
Құралай Анарбекова Ақтөбеден төрт сағаттық жолды құрайтын Шалқар қалашығында дүниеге келген. Мектеп бітірген соң Құралай алматылық жоғары оқу орнының біріне түсті. Кастингте бағын сынап көріп, режиссер Ақан Сатаевтың «Жаужүрек мың бала» картинасындағы Қорлан рөліне ие болады.
«Картинадағы табыстан кейін өмірім жақсарды, енді жарнамалық келісім-шарттар мен жаңа рөлдер пайда болады деп ойладым. Бірақ, өмірде ешқашан босаңсуға болмайды. Фильмнің табысына қарамастан, маған шарттарын ұсынып, тіпті «жолыңды бөгеп, рөлсіз қалдырамыз» дегендер жолықты. Мен жағдайды өзгерту керектігін түсіндім. Мен киноға продюсерлік етіп, өз идеяларымды жүзеге асырғым келді. Басқаларға тәуелді болғым келмеді», - деді Құралай Анарбекова.
.jpg)
Сол себепті бойжеткен БМКИ-ге «Продюсерлік» бағыт бойынша құжаттар тапсырады. Аңсаған дипломына қол жеткізген соң, Астанаға көшеді де, Corich Group атты жеке production-студиясын ашады. Жас продюсердің алғашқы тапсырысы Qazaqstan телеарнасы үшін түсірілген «Алтын ұя» хикаясы болды. Тек 5 жылдан соң көптен күткен толық метрі – «Аға ма әлде неке ме» комедиясын түсірді. Фильм 450 миллион теңге жинап, отандық айналымның рекордын орнатты.
Алайда, Анарбекованың өміріндегі ең маңызды сәт 71-ші Халықаралық Канн кинофестивалінің ашылуына шақырту алғаны еді.
«Мен ол жаққа әдемі көйлек киіп, қызыл кілеммен өту үшін ғана барған жоқпын. Бұл - ол жақта қандай жағдайдың орнағанын көруге бағытталған тамаша мүмкіндік. Әйел продюсерлермен танысып, сұрақтарды жаудырғаным есімде. Анам мен Қорлан образы арқылы шаббытанғаным секілді, олар да маған шабыт сыйлады. Фестиваль басталар алдында өз бөлмемнің терезесінен Фестиваль мен конгрестер сарайы маңындағы дайындықты көріп, балалық шағымды, Шалқарды, қоңызды жүйектерді есіме түсірдім. Мен табандылық пен өз-өзіммен жұмыс істеу арқылы Каннға келдім. Енді одан әрі еңбек ететін кез келді. Әрі жоғары мақсаттар қоюым керек», - деп қоса кетті продюсер.
Айта кету керек, Құралай шынында да тоқтар емес. Жақында ол «Аға ма әлде неке ме» фильмі жалғасының түсіріліміне кіріседі.
Превью: Құралай Анарбекованың жеке Instagram парақшасынан
.jpg)
пікірлер жоқ, бірінші болыңыз
Пікір қалдыру үшін