Құралай Анарбекова Канн кинофестивалінің ашылуына шақырылды
Актриса әрі продюсер Құралай Анарбекова 71-ші Канн кинофестивалінің ашылу салтанатына қатысатын болды. Отандасымыз Голливуд пен Еуропа жұлдыздарымен бірге қызыл кілемшемен жүріп өтеді. Фестивальдің ашылуы Grand Theatre Lumiere ғимаратында 8 мамырда болмақ.
Құралай Анарбекованы кино әлеміндегі ең маңызды шаралардың біріне Méridiende Paris француз компаниясы шақырды.
«Біз бірігіп, бірнеше франко-қазақстандық киножобалар жасауды жоспарлаудамыз. Сондай-ақ, еуропалық кинофестивальдерге қазақстандық фильмдерді белсенді түрде шығарып, олардың Еуропада таралуына мүмкіндік жасауды көздеп отырмыз. Біз Құралайдың шығармашылық мүмкіндігіне сенеміз және зор үміт күттіретін жас актрисаға қуана жан-жақты қолдау білдіреміз», - деді Méridiende Paris Еуропа киножұлдыздары агенттігінің продюсері Андре Иванов.
Еске сала кетсек, Құралайдың продюсерлік дебюті 2017 жылы «Аға ма әлде неке ме?» фильмімен басталды. Комедия кассалық хитке айналып, айналымдағы 11 аптаның ішінде жарты миллиард теңгеге жуық (454 535 740 теңге – Sulpak cinema мәліметі бойынша) қаржы жинаған.
Биылғы жылы кинофестивальді Асгар Фархадидің «Бәрі біледі» картинасы ашады, фильмге Пенелопа Крус пен Хавьер Бардем жұлдызды жұбы түскен.
.jpg)
пікірлер жоқ, бірінші болыңыз
Пікір қалдыру үшін