Рашид Нұғымановтың шеберханасы тәжірибелік драматургия курсын өткізбек
Рашид Нұғымановтың шеберханасы тәжірибелік драматургия курсын ашық деп жариялайды. Сабақ 22 қаңтар мен 22 сәуір аралығында Алматыда өтеді. Өтініштер 15 қаңтарға дейін қабылданады.
Тәжірибелік драматургия курсы авторларға киносценарий форматын түсінуге, көріністерді дұрыс қоюға және диалогтарды құруға көмектеседі, сондай-ақ сценарий жазу барысында қандай қателіктерді болдырмауды үйренеді. Оқу бітірген соң әр қатысушы емтихан тапсырады.
Дәрісті режиссер, сценарист әрі продюсер, ВГИК-тің режиссура факультетінің түлегі, Сергей Соловьевтің шеберлігінде оқыған Рашид Нұғыманов жүргізеді. Ол 1988 жылы көрермен назарына әйгілі рок әнші Виктор Цойдың қатысуындағы «Ине» картинасын ұсынған. Ал 2010 жылы «Ине-Ремиксті» жарыққа шығарды.
Рашид Нұғыманов
Қазіргі таңда Рашид Мұсаұлы - «Тұлпар» киножүлдесін бекіткен Ұлттық кинематография өнері академиясының президенті. 2015-2017 ж.ж. аралығында режиссер «Еуразия» Халықаралық кинофестивалінің бас директоры болды.
Драматургия курсы Facebook Live онлайн платформасында өтеді.
Курсқа жазылып, қосымша ақпарат алу үшін 8 (707)-463-98-17 нөміріне хабарласуға немесе master@nougmanov.com мекен-жайына хат жазуға болады.
пікірлер жоқ, бірінші болыңыз
Пікір қалдыру үшін