«Жас кербездер»: Мэттью МакКонахи Гай Ричидің фильміндегі басты рөлге түседі
Мэттью МакКонахи («Ақ жігіт Рик», «Қара мұнара») режиссер Гай Ричидің («Артур патшаның қылышы», «А.Н.К.Л. агенттері») «Жас кербездер» («Toff Guys») қылмыстық драмасында басты рөлді сомдайды, картинаға басқа жұлдыздар - Кейт Бекинсейл («Нью-Йорктегі жалғыз тірі жігіт», «Басқа әлем: Қанды шайқас») және Генри Голдинг («Қарапайым өтініш», «Өте бай азиаттар») да түседі.
Ричи Марн Дэвис және Иван Аткинсонмен бірігіп жазған «Жас кербездердің» экранды хикаясы марихуана өндірісі бойынша еуропалық «ақсүйектер әлеуетінің» және заманауи өндірістің арасындағы қақтығысты зерттейді. Драма сюжеті Ұлыбританияның есірткі саудагері жайлы баяндайды, ол өз үлесінің жартысын Оклахомадағы табысты миллиардерлер империясына сатуға тырысады.
«МакКонахи Генри және Кейтпен бірге Гай Ричидің әсерлі триллерінде көлеңкелі кәсіптің көзден таса жүрген иесін сомдайды», - деді Miramax студиясының бас директоры Билл Блок. Биылғы жылы Miramax осы драманың халықаралық құқығын сатып алу үшін Канн кинофестивалінде 30 млн доллар төлеген болатын. Жобаның түсірілімін осы күзде Англияда бастауды көздеп отыр.
пікірлер жоқ, бірінші болыңыз
Пікір қалдыру үшін