«Хабар» арнасынан «Оскардың» салтанатты табыстау шарасы тікелей эфир арқылы көрсетіледі
4 наурыз күні Лос-Анжделесте «Оскар» жүлдесінің 90-шы салтанатты табыстау шарасы өтеді. Қазақстандықтар жылдың басты киножаңалығын «Хабар» мен «Ел Арна» отандық телеарналарынан тікелей эфир арқылы көре алады.
Тікелей көрсетілім 5 наурыз күні жергілікті уақыт бойынша сағат 5:30-да басталады. Комментатор ретінде Дмитрий Мостовой, Кәрім Қадырбаев және Нұржан Еркінұлы шақырылған.
Дәстүр бойынша «Оскар» жүлдесі жыл сайын ақпанда берілетін. Алайда, Пхенчхандағы Қысқы Олимпиада ойындарына байланысты мерейтойлы «Оскар-2018» шарасы наурызға ауыстырылған. Шараны екінші мәрте Джимми Киммел жүргізеді. Былтырғы кемшілікке қарамастан, (актер қателесіп, «Ай сәулесі» фильмінің орнына «Ла Ла Ленд» картинасын жылдың үздк фильмі деп атаған) Джиммиді қайта шақыруды ұйғарыпты.
Жүлде лауреаттарын танымал актерлар мен продюсерлер: Махершала Әли, Чедвик Боузман, Виола Дэвис, Лора Дерн, Дженнифер Гарнер, Тиффани Хэддиш, Грета Гервиг, Том Холланд, Кумэйл Нанджиани, Марго Робби, Эмма Стоун және Даниэла Вега марапаттайтын болады.
Биылғы жылғы үздіктер қатарында 13 аталымға ұсынылған режиссер Гильермо дель Тороның «Су қалыбы» фильмі, Кристофер Ноланның «Дюнкерк» драмасы (8 аталым) және Мартин Макдонаның «Эббинг шекарасындағы үш билборд, Миссури» (7 номинация) картинасы бар.
«Оскар-2018» үміткерлерінің толық тізімін мына жерден оқи аласыздар.
1 пікір
Пікір қалдыру үшін
Даник
3 наурыз 2018, 00:08Бұл керемет қой, көру керек!