Назар Сұлтанбаев: ««Батырлар жолы» хикаясын көрген әрбір адамның қазақ тарихына деген қызығушылығы оянса екен деймін»

15 Қыркүйек, 2017
Мадина
1 372
0

Қарасай батыр - Қазақстанның әйгілі тарихи тұлғаларының бірі. Режиссер Асқар Ұзабаевтың аталмыш батыр туралы хикая түсіруі тегін емес. Қарасайдың рөлі «Боксшы жолы» және «Жамбыл» филмьдерінде ойнаған Назар Сұлтанбаевқа бұйырды.

«Бірнеше бейнесынамалар нәтижесінде басты рөлге бекітілдім. Мұндай әйгілі тұлғаны сомдау қиындау дей алмаймын, дегенмен бастапқыда біраз қиындықтарға тап болғаным рас. «Батырлар жолы» хикаясын көрген әрбір адамның қазақ тарихына деген қызығушылығы оянса екен деймін»,-деп бөлісті Назар.

_{«Батырлар жолы» хикаясының түсірілімінен көрініс}

Хикая қазақтар мен жоңғар әскерлерінің шайқасымен аяқталады. Көпсериялы жобаның түсірілімі таулы аймақта, Алматыдан 300 шақырым қашықтықта өтіп жатыр. Жобадағы басты әйел рөлін жас актриса Мөлдір Мекенбай сомдайды. Қарасайдың достары – Ағынтай мен Таймас батырларын Әшім Ахметов пен Жандос Айбасов ойнайды.

«Мен біраз туындылардан Қарасай батырдың ерлігі туралы оқыдым. Батыр көптеген шайқастарға қатысқан, ең маңыздысы – Орбұлақ шайқасы, ол жақта Қарасай батыр аздаған әскерлерімен бірге жоңғарларға тойтарыс бере білген. Ата-бабаларымыз бай тарих қалдырғанына мақтанамын»,-деп қосты Сұлтанбаев.

«Батырлар жолы» хикаясы биылғы жылдың желтоқсан айында «Хабар» телеарнасынан көрсетіледі.