Николь Кидман және Amazon Studios «Әйел пікірі» бестселлерінің экрандауымен айналыспақ
Николь Кидман және Amazon Studios америкалық жазушы Мег Волитцердің «Әйел пікірі» бестселлерінің экрандауымен айналысады. Кітап биыл жарыққа шығып, ерекше танымалдылыққа ие болды, сондықтан Amazon Studios көп ұзатпай, сюжетті үлкен экраннан көрсету құқығын иеленді. Түсіріліммен Кидманның Blossom Films студиясы айналыспақ. Белгілі актриса бұл жолы Линда Обст («Байланыс», «Сиэттледе ұйықтамағандар») және Пер Сааримен («Үлкенді кішілі өтірік», «Өтіріктің артында не жасырынып тұр») бірге продюсерлердің бірінің рөлінде болады.
«Әйел пікірінің» сюжеті студент қыз Грир Кадетски жайлы баяндайды, ол достарымен бірге сауық кешінде лас тірліктердің құрбаны болады. Бұл жағдай оған әйелдер құқығын қорғауға күш береді. Бірақ, Грирге зорлық көрсеткен адам үнемі оған тіл тигізеді, ал бұл әрекетке жоғары оқу орнында ешкім мән бермейді, харассмент дерегіне көз жұма қарайды. Грирден бөлек, Волитцер кітабында феминистік көзқарастағы белсенді өмірлік ұстанымы бар өзге де кейіпкерлер көрінеді. «Әйел пікірі» туралы жағымды пікірнамалар романды «жүректен шыққан өткір тілді, қазіргі заманға сай» туынды ретінде сипаттады.
пікірлер жоқ, бірінші болыңыз
Пікір қалдыру үшін