Әділхан Ержановтың «Түнгі Құдай» фильмі Мәскеудің халықаралық кинофестивалінің негізгі байқауына енді
Әділхан Ержановтың «Түнгі Құдай» фильмі 40-шы Мәскеу халықаралық кинофестивалінің қатысушысы атанды. Картина негізгі байқауға еніп, әлемнің 11 жұмысымен қатар көрсетілетін болды. Кинокөрсетілім 2018 жылдың 19-26 сәуір аралығында өтеді.
«Түнгі Құдайдың» сюжеті екі жұмысшының әңгімесі жайлы баяндайды. Біреуі аспандағы кометалардың құйрығынан нені байқауға болатына және бос кеңістіктегі таңғажайып жаратылысқа қызығушылық танытады. Екіншісі ешнәрсе байқамағанын және бар болса да, оған назар аудару керек пе деп жауап береді? Одан да жұмысты жалғастырып, ары қарай өмір сүре беру керек.
Байқау аясында «Түнгі Құдайдың» әлемдік көрсетілімі өтеді. Таспа «Қазақфильм» киностудиясында Short Brothers компаниясымен бірлесе отырып шығарылған болатын. Картина продюсері – Серік Әбішев, қоюшы-операторы – Едіге Несіпбеков, қоюшы-суретшісі – Ермек Өтегенов. Әуенін композитор Илья Гариев жазды. Басты рөлді Баймұрат Жұманов сомдады.
Мәскеу халықаралық кинофестивалі 1959 жылдан бері өткізіліп келеді. Биыл негізгі байқаудың әділқазылар құрамына ресейлік режиссер Анна Меликян, итальяндық продюсер Паоло дель Брокко, американдық актер Джон Сэвэдж және қытайлық режиссер Лян Цяо кірді. Негізгі 13 аталым жеңімпазын күміс пырақтағы қасиетті Георгий бейнеленген мүсіншелермен марапаттайды.
Айта кетейік, Мәскеу халықаралық кинофестивалінің «Шебер» бағдарламасында Серік Апрымовтың «Әкеге қоңырау шалу» драмасы көрсетілетін болады.
пікірлер жоқ, бірінші болыңыз
Пікір қалдыру үшін