Қазақстандық тергеушілер жайында «Тергеушілер» хикаясы түсіріліп жатыр
Қазақстандық Антон Митнев украиндық режиссер Ахтем Сейтаблаевпен бірге «Тергеушілер» хикаясының түсіріліміне кірісті. Актер әрі режиссер Антон Митнев үшін бұл жоба алғашқы көпсериялы фильм болды. Бұрын ол музыкалық бейнебаяндар мен қысқаметражды картиналар түсірген. Антон Митнев хикаяның не жайында болатындығын «Бродвей» кинопорталына айтып берді.
«Жоба «Тергеушілер» украиналық хикаясының франшизасы бойынша түсірілуде. Бізден бұрын бұл франшизаны Германияда түсірген еді. Нәтижесі де жаман болған жоқ, ұзаққа созылып, 6 маусымды құрады. Хикая идеясын айтар болсам, «Тергеушілер» еліміздегі тергеушілердің күнделікті өмірін бейнелейді. Фильм кейіпкерлері – тәжірибелі бестіктен құралған: аға тергеуші майор Кәмшат, капитан Ермек, екі жедел қызметкер Нұрлан мен Асқар және қылмыстық маман Гаухар. Барлығы қауіпті әрі құпияға толы өлімдерді тергеумен айналысады»,-деп түсіндіре кетті режиссер.
Суреттер Азамат Шарғынның Instagram-дағы ресми парақшасынан алынды
Құқық қорғау органдарының қызметкерлерін актерлар Гүлшарат Жұбаева, Азамат Шарғын, Ербол Садырбаев, Ниязбек Шайсұлтанов және Гүлбахрам Байбосынова сомдайды.
Түсірілім тобының құрамында қоюшы-оператор Максим Задарновский, дыбыс режиссері Зураб Құрманбаев және қоюшы-суретшілер Мұxтар Мырзакеев, Қайыртас Хамза бар.
Түсірілім 9 шілде күні Алматыда басталды. Түсірілім тобы фильмді тамыз айының ортасына таман аяқтайтын көрінеді. Ал эфирге «Тергеушілер» картинасы биылғы жылдың қазан айында шықпақ.
Хикая «Хабар» телеарнасының тапсырысы бойынша түсіріліп жатыр.
2 пікір
Пікір қалдыру үшін
Арман Есимов
13 шілде 2017, 11:35а мне можно сниматься на какой нибудь роль
Мырзахмет
24 шілде 2017, 13:03Патруль, патруль. И что новое собираются рассказать об это сериале. Ждем и ждем.