«Махаббат. Үміт. Астана» қазақ-ресейлік фильміне кастинг жарияланды
«Қазақфильм» киностудиясы және ресейлік «Кино студия» компаниясы «Махаббат. Үміт. Астана» хикаясының түсірілімін бастамақ. Қазақ-ресейлік картинаны Астанада және шағын оқшауланған ғимараттарда түсіреді.
«Махаббат. Үміт. Астана» - 4 бөлімді фильм, ол «Бірінші арна» эфирінде көрсетіледі. Картина көрермендерді 60-шы жылдардағы Целиноградқа апарып, оның мемлекеттің басты қаласына айналуы туралы әңгімелейді. Хикая көрсетілімі Астана күні 6-шілдеге белгіленген.
Мелодраманы қоюды отандық режиссер Олжас Ермекбаев пен ресейлік маман Иван Глубоковқа сеніп тапсырған.
Фильмді түсірушілер екінші қатардағы және эпизодтық рөлдерге актерлар іздестіруде. Кастингке 5 пен 70 жас аралығындағы барлық ер адамдар мен әйелдер шақырылады. Қатысу үшін суретін (ірі план) және өзі туралы мәліметті casting.astana@mail.ru электрондық поштасына немесе WhatsApp 7 (926) 385-59-15 номеріне жіберу керек.
Естеріңізге сала кетейік, Қазақстан мен Ресейдің біріккен киноөндірісі туралы 2017 жылдың желтоқсанында хабарланған болатын.
пікірлер жоқ, бірінші болыңыз
Пікір қалдыру үшін