Дәрежан Өмірбаевтың мерейтойына орай фотокөрме ашылмақ
14 наурыз күні Темірбек Жүргенов атындағы ҚазҰӨА қабырғасында режиссер Дәрежан Өмірбаевтың 60 жылдығына арналған фотокөрме ашылады. Шараны «Өнертану» факультетінің «Кино тарихы мен теориясы» кафедрасы, «Көзімнің қарасы» мәдени-танымдық клубы және «Киноман» киноклубы ұйымдастыруда.
Дәрежан Өмірбаев – «жаңа қазақ толқынының» өкілі, оның үлкен кинодағы жолы «Қайрат» драмасынан басталды. Фильм қоржынында Түркмения, Швейцария мен Францияда өткен халықаралық кинофестивальдардың жүлделері бар. Содан кейін шыққан «Адам өлтіруші» фильмі Канн кинофестиваліне қатысып қана қоймай, «Ерекше көзқарас» бағдарламасының бас жүлдесін иеленген. Қоюшының «Кардиограмма» және «Студент» сынды жобалары отанымызда да, шетелде де үлкен қолдауға ие болды.
Көрме қонақтарының арасында отандық кинематографтар, сондай-ақ Дәрежан Қаражанұлының шәкірттері болады. Салтанатты ашылудан соң дөңгелек үстел өткізіледі.
Шараның басталуы сағат 15:00-де. Кіру тегін.
«Қайрат» фильмін сайтымыздан онлайн түрде көре аласыздар.
.jpg)
пікірлер жоқ, бірінші болыңыз
Пікір қалдыру үшін