«Нашар білім»: актерлік құрамға жас жұлдыз Джеральдин Висванатхан қосылды
«Нашар білім» жобасының актерлік құрамына жас жұлдыз Джеральдин Висванатхан қосылды, ол биылғы көктемде жарыққа шыққан «Жыныстық қатынас болмайды!!!» тұсаукесерінен кейін комедия актрисасы ретінде танымалдылыққа ие бола бастады. Дерекөздер бойынша, бұл рөл Джеральдиннің барлық дарынын ашатын көрінеді. Одан басқа, Automatik студиясы түсіріп жатқан таспадағы басты рөлдерді Хью Джекман («Әйгілі шоумен», «Логан») мен Эллисон Дженни («Тоня барлығына қарсы шығады», «Перегрин ханымның біртүрлі балаларының үйі») сомдайды.
«Нашар білімнің» сценарийін орта мектепте өзімен болған оқиғаны сипаттап берген Майк Маковски («Екеуіміз жалғыз қалдық деп ойлаймын») жазған. Мәлімет берушілердің хабарлауынша, «Нашар білім» сюжеті жағынан 20 жыл бұрынғы басты рөлді Риз Уизерспун сомдаған «Мансапқұмарға» ұқсайды. Таспа режиссурасымен Кори Финли айналысады, ол биылғы «Сандэнс» фестивалінде «Қаны таза» дебютті таспасымен сенсация жасаған болатын.
пікірлер жоқ, бірінші болыңыз
Пікір қалдыру үшін