Америкадағы режиссер Қазақстанда кино түсіріп жатыр
Америкадағы режиссер әрі продюсер Еркен Ялгашев жаңа кино түсіру мақсатымен Қазақстанға келді. Қоюшы «Сұлу жігіт» атты қылмыстық хикаяның түсіріліміне кірісті. Ялгашевтің айтуынша, картинаның 75%-ы Алматыда, қалғаны Лос-Анджелес пен Мәскеуде түсірілмек.
«Сұлу жігіт» - экшн элементтері бар қылмыстық драма. Картинада махаббат үштігі болады. Фильм Алматыдағы қызықты оқиғалар туралы болмақ. Көрермендерге қаланың күйбең тіршілігі көрсетіледі»,-дейді режиссер өз жобасы жайында.
Картинадағы басты кейіпкерлерді отандық актерлар сомдайды. Екінші қатардағы рөлдерде және эпизодтарда батыс пен ресейлік киножұлдыздар төбе көрсетеді.
Еске сала кетсек, Еркен Ялгашев – біздің отандасымыз, Шымкент қаласының тумасы. 1994 жылдан бері штатта тұрады, кино түсірумен айналысып жүр. Режиссер, продюсер әрі актер Майкл Мэдсон, Марк Дакаскос, Дэнни Трехо, Арманда Ассанте, Кэри-Хироюки Тагава сынды жұлдыздардың қатысуымен бірнеше жобалар түсірген.
пікірлер жоқ, бірінші болыңыз
Пікір қалдыру үшін