Озджан Дениздің «Екінші мүмкіндік» фильмінің орыс тілді трейлері
28 қыркүйек күні отандық айналымға «Екінші мүмкіндік» атты түрік фильмі шығады, басты рөлді Озджан Дениз сомдады. Қазақстандық көрерменге «Сен менің үйімсің» драмасы арқылы танылған белгілі актер картинаға түсіп қана қоймай, оның режиссері, продюсері әрі сценарий авторы атанды. Тұсаукесердің алдында фильмнің алғаш рет Қазақстанда дубляждалған орыс тілді трейлері жарық көрді.
«Екінші мүмкіндік» кинотаспасы – мұғалім Ясмин мен кәсіпкер Джемальдің романтикаға толы хикаясы. Әйел ажырасудан кейін өзіне-өзі келуге, ал ер азамат өткеніне қашуға тырысады. Екеуі де бұрынғы некеден қалған балаларын тәрбиелеп жүріп, жаңа өмір бастауды армандайды. Ол үшін бұл жұп өздеріне және айналасындағы әлемге екінші рет мүмкіндік берулері тиіс.
Мелодраманың орыс тіліндегі дубляжы «Қарсақ XXI ғасыр» киностудиясымен өндірілді.
«Жалпы, ТМД елдерінде көрсетілетін шетелдік фильмдердің көбін Ресей дубляждайды да, қымбатқа сатады. Бүгінгі таңда жаңа технологиялардың арқасында біз де шетелдік таспаларды ресейлік әріптестерден қалыспай дубляждай аламыз. Қазақстан мен Орта Азияда алғаш рет «Екінші мүмкіндік» атты жаңа түрік фильмінің көпдауысты дубляжы жоғары шығармашылық-техникалық деңгейде жасалды. Мен біздің әртістердің жұмысына ризамын»,-деп айтып берді дубляж режиссері Тоқтар Қарсақбаев.
Картина кейіпкерлеріне Михаил Лермонтов атындағы Мемлекеттік академиялық орыс театрының актерлары Илья Шилкин және Лариса Фатеева өз дауыстарын сыйлады.
пікірлер жоқ, бірінші болыңыз
Пікір қалдыру үшін