Санжар Мәди ресейлік «Естелікке сурет» хоррорының трейлерінен бой көрсетті
Желіде Санжар Мәдидің қатысуымен ресейлік «Естелікке сурет» хоррорының трейлері пайда болды. Актер тылсым күштермен арпалысқан фотографты сомдайды.
«Естелікке сурет» картинасы қаладан табиғат аясына жол тартқан достар жайлы баяндайды. Дегенмен, сапарлары сәтті болмады: олар жол апатына ұшырап, бос тұрған үйге түнеуге мәжбүр болады. Олар бөлмелердің бірінен қорқынышты суреттер мен ескі фотоаппаратты тауып алады. Бірнеше сурет түсіргеннен кейін, кейіпкерлер қорқынышты жағдайға тап болады.
Бұл Санжар Мәдидің төртінші ресейлік жобасы. Бұдан бұрын ол «Қорғаушылар», «Алтын Орда» және «Саз шұңқыр» фильмдеріне түскен болатын.
Айта кетейік, бұл актердің қорқынышты фильм жанрындағы алғашқы жобасы.
Фильм режиссері - Антон Зенкевич. Сондай-ақ, картинаға Ирина Темичева, Степан Юрпалов, Анастасия Зенкович және Гарик Петросян түсті.
«Естелікке сурет» фильмінің көрсетілімі 2018 жылдың 14 маусымына белгіленген.
пікірлер жоқ, бірінші болыңыз
Пікір қалдыру үшін