Санжар Мәди ресейлік «Саз шұңқыр» драмасының түсірілімі жайында айтып берді

30 Маусым, 2017
Мадина
1 092
0

Санжар Мәди Вера Глаголеваның «Саз шұңқыр» ресейлік драмасына түсті. Актер үшін аталмыш картина үшінші ресейлік жоба болды. Алдыңғылары - Сарик Андреасянның «Қорғаушылар» фильмі және Тимур Алпатовтың «Алтын Орда» хикаясы.

Авторлар басты ер азамат рөліне арналған әртістерді ұзақ іздеген. Кастингке барлық жерден актерларды шақырды. Ақыр соңында, басты рөл Санжар Мәдиге бұйырды. Ол ресейдің бір шеткі жағында тұратын Рустамды сомдады. Сол жақта азамат Галямен, кейіннен оның сіңлісі Милкамен танысады. Жігіт Галямен жүріп жүреді де, үйленуді жоспарлайды. Бірақ, кенеттен Милкада басты кейіпкерге деген сезім оянады.

_{«Саз балшық» фильмінің түсірілімінен сурет}

«Менің білуімше, актерді тек Ресейден ғана емес, бүкіл ТМД елдерінен іздеген. Ақыры, жоба продюсерлері маған хабарласты. Менің басты рөлге бекітілгенімді айтқанда, қатты қуандым. Өйткені, «Саз шұңқыр» - көптеген әртістер бірге жұмыс істеуді армандайтын режиссер Вера Глаголеваның картинасы. Фильм драмалық негізге құрылған. Маған ұнағаны, фильмде айтарлықтай бір жағымды кейіпкер жоқ. Біз киноның ақ пен қарасын көріп үйрендік қой. Бірақ, аталмыш картинада мұндай шектеу жоқ. Кейіпкерім – Ресейдің шеткі жағында тұратын Орта Азияның тумасы. Ол жергілікті тұрғындармен тіл табыса алмайды. Үнемі басы дауға қалып жүреді. Оның үстіне, оның ойы өзгелерден бөлек»,-деп бөлісті Санжар Мәди.

Отандасымыз Ресей Халық әртісі Татьяна Владимировамен және Анна Капалева, Лилия Волкова мен Дмитрий Кривочуров сынды актерлармен бір алаңда жұмыс істегеніне қуанышты екендігін жеткізді.

«Саз балшық» картинасын биылғы көктемде Ресейдің Алексин қаласында түсірген. Авторлар кинотаспаның кейбір көріністерін Қазақстанда түсіруді жоспарлап отыр. Санжар Мәдидің айтуынша, олар биылғы жылдың қыркүйек айында келмек.

Превью: Арнай Ормаш