«Мені лақтырып кеткен тыңшы»: комедиялық тыңшылық атыс-шабыс фильмінің дубляждалған трейлері
Lionsgate студиясы «Мені лақтырып кеткен тыңшы» комедиясының алғашқы трейлерін ұсынды, басты рөлдерде - Мила Кунис («Өте нашар аналар 2», «Юпитер өрлеуі») және Кейт МакКиннон («Өте нашар қыздар», «Жаңа жылдық кеш»). Таспа былтырғы жазда Будапештте түсірілген болатын. Фильм режиссері Сузанна Фогель («Өмірлік серіктестер») Кунис-МакКиннон дуэтін аяқ астынан тыңшы ойындарына тап болған әйелдер ретінде көрсетеді.
Дэвид Исерсонның («Робот мырза» және «Жаңадан келген қыз» хикаялары) сценарийі бойынша олар халықаралық қастандықтың ортасында қалады. Одри (Мила Кунис) бұрынғы жігітімен (Джастин Теру, «Жұлдыздар соғысы: Соңғы джедайлар», «Пойыздағы бойжеткен») айырылысқан соң, өз-өзіне әрең келеді. Кенеттен бұрынғы жігіті қыздың пәтеріне келіп, ОББ (ЦРУ) агенті екенін жайып салады, ал оның артынан ерген киллерлер тобы Одридің үйіне баса-көктеп кіруге тырысады.
Өмірі үшін алаңдаған жас әйел жақын құрбысы Морганмен (Кейт МакКиннон) бірге Еуропаға мәжбүрленген саяхатқа шығады. Атауы Джеймс Бонд жайлы баяндайтын 1977 жылғы «Мені жақсы көрген тыңшы» танымал картинасына ұқсас фильмнің ролигінде жарылыс, циркті акробатика көрініс тапқан.
«Мені лақтырып кеткен тыңшы» комедиялық атыс-шабыс фильмі ауқымды айналымға 9 тамыздан бастап шығады.
пікірлер жоқ, бірінші болыңыз
Пікір қалдыру үшін