«Кинокафе Әзиз Бейшеналиевпен» бағдарламасы басталды
Brod.kz-тің YouTube-арнасында «Кинокафе Әзиз Бейшеналиевпен» бағдарламасы бастау алды. Бағдарламада танымал актерлармен, режиссерлармен және продюсерлермен сұхбат жүргізіледі. Бағдарлама қонақтарымен кәсіби қызметіне әрі жеке басына қатысты тақырыптарға сөз қозғап, театр және кино актері Әзиз Бейшеналиев әңгімелеседі.
Бағдарлама «Бродвей» кәсіби кинопорталының негізін қалаушы әрі продюсер Әнуар Кенжибаев, режиссер Жаннар Шураева және редактор Елена Кигайдан тұратын шығармашылық топтың бастамасымен құрылды. «АЮ синема» кинокомпаниясы мен продюсер Данияр Ибрагимов техникалық қолдау білдірді.
«Бағдарламаның басты мақсаты - белгілі адамдардың белгісіз тұстарын ашу. Яғни, «жаман жағын» емес, бір қырынан ғана танылып үлгерген тұлғаның жан-жақты екендігін көрсетеміз. Әрине, тек отандық кинематографшылармен ғана шектеліп қоймаймыз. Авторлар ретінде, аталған контенттің көрермендерге барынша қызықты болуына атсалысып, бар мүмкіндікті пайдалануға тырысамыз. Оның үстіне, айтуға болмайтын әңгіме жоқ. Барлығы қонаққа, оның қаншалықты ашық әрі әңгімеге дайындығына байланысты»,-деді жоба жүргізушісі Әзиз Бейшеналиев.
Алғашқы шығарылымның кейіпкері танымал продюсер Баян Мақсатқызы (Есентаева) болды. Қонақ жаңа жобалары, өмірге деген көзқарасы туралы баяндап, жанкүйерлері мен дұшпандарының көкейінде жүрген барлық сауалдарға жауап берді.
Бағдарлама әр апта сайын Brod.kz-тің YouTube-арнасынан шығып тұрады.
«Кинокафе Әзиз Бейшеналиевпен» бағдарламасының қонақтарына арналған тілектеріңіз бен сұрақтарыңызды бейнежазба астына пікір ретінде жазып қалдыруға немесе kinocafe@brod.kz электронды мекен-жайына жолдауға болады.
пікірлер жоқ, бірінші болыңыз
Пікір қалдыру үшін