«Қария» хикаясының түсірілімі басталды

7 Апреля, 2017
Мадина
1 390
0

Алматыда «Қария» хикаясының түсірілімі өтуде. Көпсериялы драманың өндірісімен режиссер Асхат Мұсабай мен бас продюсер Нұржайна Жұмаділлаева айналысып жатыр. Телефильм «Хабар» телеарнасының тапсырысы бойынша қазақ тілінде түсіріліп жатыр.

«Қария» хикаясы – әке мен бала арасындағы қарым-қатынас пен заманауи өмірдің қатал шындығын ашып көрсететін әлеуметтік-қылмыстық драма. Көпсериялы фильмнің негізгі сюжеті қарттар үйінің аясында өрбиді. Фильмнің басты кейіпкері - қарттың рөлінде көпшілікке Әділхан Ержановтың «Хозяева» картинасы арқылы танымал театр және кино актері Бауыржан Қаптагай. Сонымен қатар, хикаяда Ақмарал Дайрабаева, Мадина Оспан, Алмас Сақатов, Айқын Төлепбергенов ойнайды.

Картина түсіріліміне қоюшы-оператор Сәбит Семетаев, дыбыс режиссері Серік Кабепаев, қоюшы-суретші Руслан Оспанов, костюм және грим суретшілері Дамира Телбаева және Толқын Асылбекова атсалысты. Атқарушы продюсері - Марина Сулейменова.