Стивен Мерчант «ДжоДжо қоян» сатиралық фильміндегі гестапо агентінің рөліне шақырылды
Ағылшын сценаристі, актер әрі режиссер Стивен Мерчант («Муви 43», «Логан») «ДжоДжо қоян» сатиралық фильміндегі гестапо агентінің рөліне шақырылды. Екінші дүниежүзілік соғыстағы оқиғаларды баяндайтын фильмнің режиссері - Тайка Вайтити («Тор: Рагнарёк», «Жабайыларды аулау»).
Мерчант үшін капитан Диртцтің рөлі дайындалды, осы туралы ол өзінің Instagram-на жазған: «Мен «ДжоДжо қоянда», тамаша Тайка Вайтитидің жаңа сатиралық комедиясында неміс сияқты көрінуге тырысып жүрмін. Таспа сюжеті жалғыз басты ана (Скарлетт Йоханссон, «Кек алушылар: Мәңгілік соғыс», «Төбеттер аралы») тәрбиелеп отырған Германиядағы ебедейсіз бала (Роман Гриффин Дэвис) туралы баяндайды. Баланың ойдан шығарылған жақын досы әрі одақтасы бар, ол - Адольф Гитлер, бұл рөлді Тайка Вайтитидің өзі сомдайды.
Жас немістің аңғал патриоттығы жас қызды (Томасин МакКензи, «Хоббит: Бес әскердің шайқасы», «Із қалдырма») жолықтырғанда тексеруден өтеді, сол бойжеткен баланың көзқарасын түбегейлі өзгертіп, өмірдегі ең үлкен қорқынышты сезінуге мәжбүрлейді. «ДжоДжо қоян» фильмінде биылғы «Оскар» иегерінің де рөлі бар, Сэм Рокуэлл («Әйел алда жүреді», «Эббинг шекарасындағы үш билборд, Миссури») Гитлерюгенд лагеріндегі қолбасшы ұлтшыл капитан Кленцендорфтың рөлін сомдайды.
.jpg)
пікірлер жоқ, бірінші болыңыз
Пікір қалдыру үшін