«91» фильмінің трейлері

12 Шілде, 2017
Мадина
2 470
0

Желіге «Ninety One» бойз-бендіне арналған «91» өмірбаяндық фильмінің трейлері жүктелді. Картинаны режиссер Асқар Ұзабаев түсірді. Оның айтуынша, көрермендер фильмнен топтың қалай құрылғанын біле алады.

«91» кинокартинасы «Ninety One» тобы мүшелерінің өмірі мен шығармашылығын көрсетеді. Отандық бойз-бенд Q-pop музыкалық жанрының негізін қалап, өзіндік ерекше стильмен танылып үлгерген. Дебюттен кейін көпшілігі жігіттердің образын қабылдай алмады, тіпті өнерде жүрген кейбір әріптестері көңілге тиетін түрлі сөздер айтқан. Осының барлығы топтың еліміздің біраз қалаларындағы концертіне кері әсер етіп, жеке кештері болмай қалған. Қиын кезеңдерде топ мүшелерінің қалай қиналғанын, жан-жақтағы дау-дамайдың жігіттерге қалай әсер еткендігі – барлығы Асқар Ұзабаевтың аталмыш фильмінде баяндалады.

Киноэкранда алғаш рет «Ninety One» солистері дебют жасамақ: A.Z - Азамат Зенкаев, Bala - Данияр Құлымшин, ZaQ - Дулат Мұхаметқалиев, Ace - Азамат Ашмақын және Alem - Батырхан Мәліков.

«91» картинасы айналымға биылғы жылдың 24-тамызында шығады. Фильм көрсетілімі еліміздің барлық кинотеатрларында болмақ.