Төлеген Байтүкенов «Шала қазақ» атыс-шабыс фильмінің түсірілімін аяқтады
Жақында «Шала қазақ» толықметражды фильмінің түсірілім аяқталды. Картина режиссері әрі сценарий авторы - Төлеген Байтүкенов, ол «Өмір сынағы» және «Тайталас» хикаяларының сценаристі ретінде танымал. Сценарийдің қосалқы авторлары Инна Мукочи мен Андрей Тен болды.
«Шала қазақ» фильмі «Қазақфильм» киностудиясының негізінде драма мен атыс-шабыс элементтері бар вестерн бағытында түсірілді. Оқиғаның басты кейіпкері – шалғайда орналасқан ауылдың учаскелік полициясы. Бір күні ауылға белгісіз топ келіп тұрақтайды. Кейіннен олардың ұрланған бағалы жүкті тасып жүргендері анықталады. Жергілікті тұрғындарға қауіп төніп тұр, оларды құтқара алатын жалғыз адам – әділеттілік қорғаушысы әрі тәртіп сақшысы Саташ.
Суреттер Төлеген Байтүкеновтың жеке Instagram парақшасынан алынды
Көрермендер учаскелік полиция образында театр және кино актері Ақылхан Алмасовты көретін болады. Ол бұрын «Офицер намысы», «Мықты бөлім» және «Гейзер» хикаяларына түскен. Сондай-ақ, фильмде Шыңғыс Қапин мен Дина Тасболатова ойнайды.
Қазақстандық вестернді түсіруге қоюшы-оператор Александр Рубанов және қоюшы-суретші Берікбол Шашубаев, сонымен қатар продюсер Шынар Бөрібаева атсалысты.
«Шала қазақ» атыс-шабыс фильмі Алматы облысының Бригадир ауылында түсірілді. Түсірілім биылғы жылдың тамыз айында басталып, қыркүйекке дейін жалғасты.
пікірлер жоқ, бірінші болыңыз
Пікір қалдыру үшін