Алматыда «Ессіз әйелдің күнделігі» комедиясының түсірілімі басталды

28 Февраля, 2018
Мадина
1 054
0

Танымал вайнер Нұрлан Батыров «Ессіз әйелдің күнделігі» фильмінің түсіріліміне кірісіп кетті. Комедиялық таспа Батыровтың «Проявление» хоррорынан кейінгі екінші киножұмысы болмақ.

«Ессіз әйелдің күнделігі» Желідегі танымал кейіпкер – Ессіз Әйел жайлы баяндайды. Көрермендер оның кім екенін, қалай өмір сүретінін толығырақ білетін болады. Басты кейіпкерді Нұрлан Батыров сомдайды. Сондай-ақ, картинаға Ирина Ажмұхамедова, Ерден Телемісов, Біржан Әшім және Айжан Байзақова түсті.

Режиссерлік орынға Еділ Амандықов ие болды. Бұл - оның кинодағы дебюті. Жас қоюшыға Нұрлан Батыров пен Шәріп Серік көмектеседі. Фильмнің бас продюсері - Алмагүл Тілеуханова.

Сценарийін Батыров Кәрім Қадырбаевпен бірге жазған.

Комедия түсірілімі Алматыда өтті. Өндірісімен Alma pictures және Batyroff production айналысуда.