Алматыда Бақыт Қайырбековтың шығармашылық кеші өтті
«Қазақфильм» киностудиясының президенті, Қазақстанның Еңбек сіңірген қайраткері, режиссер, сценарист және ақын Бақыт Қайырбеков Алматыда «Таңданған жиһанкез» атты шығармашылық кешін өткізді. Шара Қазақстан жазушылар одағының конференц-залында болды.
Кеш қонақтары - интеллигенция өкілдері, әріптестері мен достары және Бақыт Ғафуұлының шығармашылығын құрметтейтін жандар. Олардың арасында ақын әрі жазушы Олжас Сүлейменов, Халық әртісі Асанәлі Әшімов, актер Нұржұман Ықтымбаев, композиторлар Артур Оренбургский және Қуат Шілдебаев бар.
«Шығармашылық адамдарын үш топқа бөлуге болады. Біріншісіне шығармашылыққа генетикалық тұрғыда бейім келетіндер жатады. Екінші топ – туынды жасауға бейім кәсіпкерлер. Олар өмірлерінде 5-6 жұмыс жазады. Одан көп жазуға күштері жетпейді. Үшінші тобы – өзгелердің жетістігін иемденіп алатын ұрлықшылар. Ал, Бақыт сөзсіз бірінші топқа жатады. оның шығармашылығы таза әрі тұнық. Ең бастысы – ол әрдайым адал», - деді актер Нұржұман Ықтымбаев.
Кеште Бақыт Қайырбековтың әр жылдарда жазған өлеңдері өзінің орындауында оқылды. Автордың оқулары жас дарындылардың өнер көрсетуімен және автордың фильмдер көрсетілімімен ұштасты. Сонымен қатар, кеш барысында кинематографшының «Таңдамалы» және «Көп нүкте» кітаптарының тұсауы кесілді.
Көптеген сыйлықтар мен гүл шоқтарынан бөлек, Бақыт Ғафуұлы ҚР Суретшілер академиясының атынан естелік төс белгісімен және Жоғары дипломмен марапатталды.
.jpg)
пікірлер жоқ, бірінші болыңыз
Пікір қалдыру үшін