Алматыда «Ерлердің санасына жеткізу» фильмі түсіріліп жатыр

29 Наурыз, 2018
BrodKaz
1 483
0

Алматыда «Ерлердің санасына жеткізу» отандық әйелдер комедиясының түсірілімі өтуде. Басты рөлдердің бірін әнші Ділназ Ахмадиеваға сеніп тапсырған.

«Ерлердің санасына жеткізу» картинасы – «Қыз қылығы» және «Құрбылар» скетчкомдарының актрисалары әрі сценарий авторлары Сәбина Сәкен, Мира Добрынина және Перизат Алпыстың толықметражды жобасы. Фильмнің сюжеті түрлі оқиғаларға тап болатын құрбылар жайлы баяндайды.

«Фильм кейіпкерлері – бес құрбы. Картина әйелдер жайлы ғана емес, олардың екінші жартылары туралы да әңгімелейді. Мысалы, Әсел Сәдуақасованың кейіпкері тұрмыс құрған, ал Ділназ Ахмадиеваның кейіпкері әлі бойдақ. Біз қыздардың арасындағы достықты және олардың екінші жартыларымен ара-қатынастарын көрсетеміз», - деп атап өтті продюсер Сәбина Сәкен.

Ділназ Ахмадиева картинада поэзияны жаны сүйетін банк қызметкерін сомдайды. Бұл әншінің киноға төртінші рет түсуі, бірақ алғашқы басты рөлі. Бұдан бұрын, ол «Көшпенділер», «Мәскеу, мен сені жақсы көремін» және «Арманға қарай» фильмдеріне түскен болатын.

Сондай-ақ, «Ерлердің санасына жеткізу» фильмінің кейіпкерлерін Мира Добрынина, Перизат Алпыс, Сәбина Сәкен және Әсел Сәдуақасова сомдайды.

Фильмнің режиссері ретінде Самал Смағұлова жұмыс істейді, ал қоюшы операторы - Максим Задарновский.