Алматыда «Шатырдағы бұлт» фэнтези фильмі түсіріліп жатыр

5 Маусым, 2017
Мадина
1 380
0

Алматыда «Шатырдағы бұлт» («Облако на крыше») көркем фильмінің түсірілімі басталды. Картинаның режиссері әрі сценарий авторы - Әлішер Сүлейменов. Бұл жоба режиссердің толық мертдағы дебюті болмақ. Режиссер бұрын «Құс» және «Ай Күнді сүйеді» қысқаметражды таспаларын түсірген еді. Олар 2015 жылы Канн кинофестивалінің Short Film Corner бағдарламасына енген болатын.

«Шатырдағы бұлт» кинотаспасы продюсерлер Ариэль Асенова пен Тимур Балбаевтың ортақ жобасы, олар әзірге жұмыстарының жай-жапсарымен бөлісуге асықпайды. Тек картинаның драма және комедия элементтерімен бірге қалалық фэнтези жанрында түсіріліп жатқанын айтып кетті.

Ариэль Асенованың айтуынша, көрермендерді көптеген сезімдер мен эмоцияларға толы заманауи киноның динамикалық, таңғажайып хикаялары күтетін болады.

«Шатырдағы бұлт» фильмінің түсірілімі кезіндегі сурет

Жаңа фильмнің түсірілім тобына қоюшы-оператор Ескендір Нарымбетов («Аманат»), қоюшы-суретші Ринат Шашубаев және костюмдер бойынша суретші Асель Улжебаева кірген. Картина өндірісімен «Kontorra Studio» мен «Baiterek Film» кинокомпаниялары айналысуда.

Сонымен қатар, «Шатырдағы бұлт» фильмінің түсіріліміне жас актерлар мен актрисалар: Қазына Әбдірахман, Вахид Изимов, Мадина мен Медина Тәліпбек және т.б. қатысуда.