Астанада «Алаш туы астында» деректі картинасының тұсауы кесілді

8 Қараша, 2018
BrodKaz
752
0

Астанада «Алаш туы астында» деректі фильмінің тұсаукесерлі көрсетілімі өтті. Режиссері Ерген Тоқмұрзин болды.

Деректі таспа үш бөлімнен тұрады. «Оян қазақ» атты бірінші бөлімі «Алаш» партиясының құрылуы мен қалыптасуын, батыс мәдениетінің насихатталуын және отандық мерзімді баспасөздің дамуын баяндайды.

Фильмнің келесі бөлімі – «Жарияланбаған автономия» тоқсаныншы жылдардың басындағы оқиғаны сипаттайды. Сюжеті Алаш Орда билігінің қайраткерлері мен олардың міндеттері жайлы баяндайды. Сонымен қатар, ол Әлихан Бөкейханов пен Мұстафа Шоқайдың Уфадағы мемлекеттік жиналысындағы келіссөз құпияларын ашады.

Фильмнің үшінші бөлімі – «Қатерлі өткелде» Голощекиннің басқарған кезеңі, Сталиндік репрессия мен алашордалықтардың әділеттілік үшін күресі көрсетіледі.

Картина сценарийін Болат Мүрсәлім жазды. Жоба авторларына Мәмбет Қойгелді мен Тұрсынжан Шапай кеңесші болды.

«Алаш» партиясының қайраткерлері жайлы деректі фильмнің тұсаукесері – біз үшін өте маңызды оқиға. Жүз жыл бұрын Алаш қайраткерлері халқымыздың тәуелсіздігі мен бірлігі үшін өздерін құрбан етті. Біз осыны есте сақтап, құрмет көрсетеміз. Бұл деректі картина қоғамға Алаш орда туралы белгісіз деректерді ашады», - деді ҚР Парламент Мәжілісінің депутаты Азат Перуашев.

Таспа Қазақстан мен Ресей аумағында «Ел» продюсерлік орталығының қолдауымен түсірілді.

ҚР Мәдениет және спорт министрі Арыстанбек Мұхамедиұлы «Алаш» партиясының қайраткерлері қысқа ғана уақытта еліміздің қалыптасуына үлкен үлес қосқанын айта кетті.

Еске сала кетсек, өткен жолы Ерген Тоқмұрзин Кеңес одағының батыры Талғат Бигельдинов туралы «Әуеге көтерілу!» деректі таспасын түсірген болатын.

Превью: kazakhfilmstudios.kz