Астанада «Проявление» фильмінің түсірілімі жалғасуда

7 Апреля, 2017
Мадина
1 655
0

Биылғы жылы танымал видеоблогер Нұрлан Батыров Enterprise production-мен және режиссер Нияз Әбдіғапармен бірігіп бір фильмді жарыққа шығармақ. «Проявление» толықметражды картинасының түсірілімі Астанада қала шетіндегі бір үйде өтіп жатыр.

Нұрлан Батыровтың айтуынша, фильм сценарийі бес жыл бұрын жазылған, ал 2013 жылы қысқа метр түрінде жарыққа шыққан. Кейіннен Батыров басты рөлде ойнаған «Любовь по наследству» фильмінің режиссері Нияз Әбдіғапар картинаның толық метражды нұсқасын түсіруге ұсыныс білдіріпті.

«Проявление» психологиялық триллері ертеңгі күннің белгісіз екенін көрсететін ойдан құрылған оқиғаға негізделген. Сюжет желісі бойынша картинада кішкене ғана бақытты отбасы: Карина, оның жары Ренат және кішкентай қарындасы Алиса көрсетілген. Кейіпкерлердің тату-тәтті отбасылық өмірі үйде белгісіз біреудің пайда болуынан бұзылады. Оның кім екенін, не екенін білу отбасы мүшелерімен қатар, көрерменді де қызықтыратыны сөзсіз.

Толық метрдің түсіріліміне актерлер: Марат Әбішев, Жанель Мақажан, Дина Тасболатова мен Лина Сұлтанова атсалысты.

Александра Терпиловская