Астанада «Саяхатшы» көркем фильмінің түсірілімі өтуде
Астаналықтар бұл жазды ЭКСПО көрмесінің өтуімен ғана емес, «Саяхатшы» атты жаңа фильм түсірілімімен де есте сақтап қалатын болды. Толықметражды таспа астананың қақ ортасында режиссер әрі продюсер Нияз Әбдіғапардың («Мұрагерліктен қалған махаббат», «Көрініс») жетекшілігімен түсіріліп жатыр.
«Саяхатшы» фильмі қазақ киносына жат дүние - детектив жанрында түсірілуде. Сюжет бойынша белгісіз саяхатшы ұрпақтарына бөгде адамдардың көздерінен жасырынған өсиет қалдырады. Қарттың соңғы өсиетін табу үшін кейіпкерлер қиын жұмбақты шешуі тиіс.
Басты жұмбақ кейіпкерді Мұрат Бисенбин («Барлығы еркектердің кесірінен», «Аға ма, әлде неке ме?») сомдайды.
Суреттер Нияз Әбдіғапардың жеке Instagram парақшасынан алынды
Авторлардың айтуынша, фильм сценарийі актерге арналып жазылған. Айта кету керек, Бисенбин Нияз Әбдіғапармен алғаш рет жұмыс істеп отырған жоқ. Бұрын ол режиссердің «Мұрагерліктен қалған махаббат» комедиясына түскен болатын.
Көрермендер жаңа детективті хикаяда Ғани Әжікенов, Мөлдір Мекенбаева, Олжас Тұяқов, Нұриддин Бидосов, Әлнұр Жұматаев сынды актерларды көре алады.
Картина идеясының авторы - Баубек Бекішев. Қоюшы-операторы - Қайрат Темірғали. Фильм «Enterprise production» кинокомпаниясымен өндірілуде.
пікірлер жоқ, бірінші болыңыз
Пікір қалдыру үшін