Кинотеатрларда «Ең сұлу» комедиясының көрсетілімі басталды
Отандық айналымға «Ең сұлу» қылмыстық комедиясы шықты. Фильмнің қоюшы-режиссері - осы жылдың наурыз айында «Қалай да той жасау» кинотаспасын ұсынған Қанағат Мұстафин.
«Ең сұлу» картинасы қиындыққа тап болған достар жайлы әңгімелейді. Самат есімді жас жігіттің қолына кездейсоқ он миллион доллар тұратын бағалы құмыра түседі. Сол сәттен бастап кейіпкер мен оның достарының басы бәлеге қалады: заттың соңына иесі ғана емес, қылмыстық топ та түседі. Ал Саматтың ойы қалыңдық тауып, отбасын құру болатын.
Шытырман оқиғаның кейіпкерлерін Қуаныш Долдаев, Әсел Асқар, Мұрат Бисенбин, Ғани Құлжанов, Берік Айтжанов, Асан Мәжит, Фархат Әбдірайымов, Аша Матай, Даурен Айдарқұлов және Кентал сомдайды.
Комедиялық таспамен KANAIDAR Production, Boz Okfilm, Arai Media group және «Казахфильм» киностудиясы жұмыс істеді. Түсірілімге қоюшы-оператор Айдар Оспанов және Айбар Қыдырбаев, костюм жөніндегі суретші Алена Лузанова, композитор Никита Карев және продюсер Айдархан Әділбаев қатысты.
«Ең әдемі» фильмінің сценарийін Қанағат Мұстафин және Жанат Қасабеков жазды.
Сенанстың ыңғайлы уақытын кинотеатр афишаларынан таңдауға болады.
.jpg)
пікірлер жоқ, бірінші болыңыз
Пікір қалдыру үшін