Айналымға «Love you family» үнді мелодрамасы шығады
14 желтоқсанда Қазақстан кинотеатрларынан «Love you family» («Туған үйім - тірегім») үнді фильмі көрсетіле бастайды. Фильм түсірілімінің жартысы Алматыда өткен. Картина өндірісімен «Қазақфильм» киностудиясымен бірігіп, Khushi Motion Pictures кинокомпаниясы айналысты.
«Love you family» - Хуши есімді бойжеткен туралы баяндайтын мелодрама, ару сәтсіз махаббаттан кейін Алматыға келеді. Ол осы жерде жергілікті бір компанияға жұмысқа орналасады. Кейіпкер жаңа қалада нағыз махаббаттың күтіп тұрғанынан бейхабар еді.
«Love you family» фильмінен көрініс
Фильм түсірілімі 2016 жылы Үндістанда, Таиландта және Қазақстанда өткен. Алматыдағы түсіріліміне режиссер Сачиндра Шарма, продюсерлер Випулкумара Девани мен Давендра Сингх Бхатия атсалысты. Отандық көрермендер экран арқылы Алматының таныс көшелерін, Шымбұлақ демалыс орны мен Көк Төбе саябағының тамаша көріністерін көре алады.
Үндістандық актерлар Пардасани Акса Сунил, Кашияп Манеш Барбхая және Шакти Капурдан бөлек, картинаға отандық актер әрі продюсер Фархат Әбдірайымов пен Ресейлік актриса Елена Кэзан түскен.
«Love you family» мелодрамасы айналымға орыс тіліндегі субтитрлармен қазақ тілінде шығады.
1 пікір
Пікір қалдыру үшін
Мырзахмет
21 желтоқсан 2017, 23:03Вот только не индиское кино, не надоело вам. От них уже не бабушки сходят с ума, а матри не проводят время со своими детьми. От всех только слышу всякое.