Ақан Сатаевтың «Она» фильмінің әсерлі трейлері жарыққа шықты
Желіде Ақан Сатаевтың «Она» атты жаңа фильмінің трейлері пайда болды. Әсерлі көріністерге толы бейнеролик көптеген көрсетілімге ие болуда, көрермендер картинаның айналымға шығуын асыға күтіп жүргендерін де атап өткен. Трейлердің монтажды режиссері - Бекентай Әжібеков.
«Она» кинокартинасы – шынайы өмірден алыстап, өзінің жеке әлемінде өмір сүріп жүрген кейіпкер туралы психологиялық триллер. Оның жалғыздығына арқау болып жүрген тек қызы ғана. Бірақ, өзін-өзі алдаудың арты жақсы болмасы анық, құпияның бәрібір ерте ме, кеш пе, мәлім болары хақ.
Картинада негізгі рөлдерді қазақстандық театр және кино актрисасы Айсұлу Әзімбаева және жас актриса Анастасия Вострова сомдаған. Актрисалар үшін бұл триллер - Ақан Сатаевпен алғашқы жұмысы. Сондай-ақ, режиссермен кинооператор Азамат Дулатов та алғаш рет жұмыс істеп жатыр.
Фильмді Алматыда 2016 жылдың қарашасынан желтоқсанға дейін түсірген.
Айта кету керек, «AstanaFilmFund» кинокомпаниясы үшін аталмыш кинотаспа жүзеге асқан екінші жоба болып отыр. Алғашқысы - Ақан Сатаевтың «Районы» фильмі.
пікірлер жоқ, бірінші болыңыз
Пікір қалдыру үшін