«Үйленгендер» хикаясы екінші маусымының түсірілімі аяқталды
«Үйленгендер» хикаясы жаңа маусымының түсірілімі аяқталды. Көпсериялы комедия қараша айында «31» арнадан көрсетіледі.
«Үйленгендер» хикаясы – үлгілі отағасы Ермектің, амбициялы Вага мен әйелдер назарын өзіне аудартқанды жақсы көретін Тимур сынды достардың оқиғаларының жалғасы. Азаматтар түрлі қызықты оқиғаларға тап болады да, мәселелерін өздері дұрыс деп тапқан әдістермен шешуге тырысады. Бірақ, кейіпкерлердің шешімі сәтті аяқтала бермейді.
Комедиялық фильмдегі кейіпкерлерді Сәбит Рахымбаев, Даут Шайхисламов, Әзім Саидбаев және Ербол Садырбаев сомдады. Әйелдер рөлін Сәбина Саяқова, Наталья Валькова, Нұргүл Алпысбаева және Айнұр Бабаева ойнады.
Суреттер «Үйленгендер» хикаясының Instagram-дағы жеке парақшасынан алынды
Жаңа эпизодтардың түсірілімі тамыз айының соңында басталған. Комедия Алматы мен Египетте түсірілген. Түсірілімге қоюшы-оператор Еркін Сәтенов және дыбыс режиссері Юлия Ден атсалысты. Екінші маусымның қоюшы-режиссері - Ақан Мұсақұлов.
Екінші маусымның сценарийін Сәбит Рахымбаев пен Әуэз Әуэзов жазды. Авторлардың айтуы бойынша, көрермендерді әзілге толы қызықты оқиғалар күтіп тұр.
пікірлер жоқ, бірінші болыңыз
Пікір қалдыру үшін