V «КиноАрт» әуесқой кинофестивалі өз мәресіне жетті
Шымкентте V «КиноАрт» әуесқой кинофестивалі аяқталды. Биылғы жылы байқауға 75 қысқаметражды жұмыс қатысты. Оның ішінде байқау бағдарламасына 11 фильм енді.
Бас жүлдені Сәбит Әбдінің «Ғайша» картинасы иеленді. Фильм XIII «Еуразия» ХКФ-не және «Жібек жолы» кинопоэзия фестиваліне қатысқан болатын. Құрметті екінші орынға Қарлығаш Есіркептің «105» таспасы жайғасса, үшінші орынға Абзал Төленовтың «Сағым» фильмі ие болды.
Сонымен қатар, аталым бойынша жеңіске жеткендер: «105» фильмі - «Үздік сценарий» (Қарлығаш Есіркеп) және «Екінші қатардағы үздік актер» (Құралбек Оразбек), «Ғайша» картинасы - «Үздік әйел образы» (Ғазиза Таңшолпан), «Үздік операторлық жұмыс» (Шыңғыс Рысқұлов), «Үздік музыкалық әрлеу» (Ақниет Нұржігітұлы), «Ой» таспасы - «Үздік монтаж» (Нұрхат Зұлпыхар) және «Үздік ер адам образы» (Руслан Нұрманов).
Байқауға қатысушыларды кинотанушы Ержан Жұмабеков, қоюшы-оператор әрі режиссер Бекайдар Шалдарбеков, режиссер Рақымжан Қалдыкөз және актер Ерсін Аманғалиев бағалады.
«КиноАрт» әуесқой кинофестивалі 2014 жылы құрылған. Оның негізін қалаушысы әрі жетекшісі - режиссер Еркебұлан Жолдасов.
пікірлер жоқ, бірінші болыңыз
Пікір қалдыру үшін