«Жер қоршауда»: Джон Гудман және Эштон Сандерс жерден тыс қауіпке дайын
Focus Features студиясы режиссер Руперт Уайаттың («Ойыншы», «Маймылдар аралының жандануы») «Жер қоршауда» атты ғылыми-фантастикалық триллерінің алғашқы трейлерін ұсынды. Таспадағы негізгі рөлдерді сомдайтын Джон Гудман («Жойқын ақсары қыз», «Конг: Қаңқалар аралы»), Вера Фармига («Шекаралар», «Жолаушы») және Эштон Сандерс («Ұлы теңестіруші 2», «Айдың жарығы») жерден тыс келетін қауіпке дайын.
«Жер қоршауда» Уайаттың 2011 жылы «Маймылдар аралы» заманауи трилогиясының бірінші бөлімін ұсынғаннан кейінгі ғылыми-фантастикалық тақырыпқа алғаш оралуы болмақ. Режиссердің жаңа жобасындағы оқиға бөгде ғаламшарлықтардың келуінен кейін он жыл өткен соң Чикагода өрбиді. Бұл таспада Уайатт келімсектермен байланыс орнатқандардың және соларға қарсы шыққандардың өмірін зерттейді.
«Жер қоршауда» ғылыми-фантастикалық триллері 2019 жылдың 28 наурызында айналымға шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін