«Басты үміткер»: саясаткер құрдымға кетіп барады
Sony студиясы режиссер Джейсон Райтманның («Талли», «Ерлер, әйелдер және балалар») «Басты үміткер» өмірбаяндық драмасының алғашқы трейлерін таныстырды. Басты рөлді сомдаушы Хью Джекман («Әйгілі шоумен», «Логан») АҚШ президенттігіне үміткер американдық сенатор Гэри Харт образында саяси сексуалды дауға тап болады.
«Басты үміткер» 1988 жылы демократиялы партия атынан президент қызметіне ұсынылған үздік адам болған Колорадодан шыққан ерекше дарынды американдық сенатордың жеңісі мен жеңілісін көрсетеді. Алайда, сайлау алдында оның Донна Райспен болған некесіз қарым-қатынасы білініп қалады. Алғаш рет «сары басылым» мен саяси журналистика қосылып, Гэри Хартты президенттіке үміткерліктен шығарып жіберді.
Джекман кейіпкерін жеке тартымдылығы бар саясаткер ретінде көрсетеді. Оның сайлау алды кампаниясының ұйымдастырушысы Билл Диксон (Дж. К. Симмонс, «Біздің әкеміз кім, балақай?», «Әділдік одағы») мұндай дарынды саясаткерді ешқашан көрмегенін айтады. Трейлердің соңында, дау өршіген соң, Джекманның кейіпкері әйелі Ли Хартқа (Вера Фармига, «Жолаушы», «Қарғыс») өз мәселесіне байланысты мынадай ескерту жасайды: «Ертең ол жақта мен туралы хикая болады».
«Басты үміткер» өмірбаяндық драмасы 2018 жылдың 7 қарашасында айналымға шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін