«Сары құстар»: Дженнифер Энистон мен Олден Эренрайк Ирактағы соғыс салдарын еңсеруге тырысады
Lionsgate студиясы режиссер Александр Мурстың («Көк наз») «Сары құстар» әскери драмасының трейлерін ұсынды. Кевин Пауэрстің 2012 жылғы романының желісі бойынша түсірілген бұл таспада анасы (Дженнифер Энистон, «Жаңа жылдық кеш», «Төзгісіз ханымдар») мен ұлы (Олден Эренрайк, «Хан Соло: Жұлдыздар соғысы. Тарих», «Жасасын Цезарь!») Ирактағы соғыс салдарын еңсеруге тырысады. Оқиға авторы Пауэрс өзінің кітабын шынайы оқиғалар мен шынайы тәжірибеге сүйеніп жазған, ол 2004-2005 ж.ж. аралығында Иракта пулемётші болған. Биылғы жылдың басында «Сары құстар» «Сандэнс» фестивалінде дебют жасады.
Психологиялық драма мен сұмдық әскери көріністерді біріктіре отырып, Александр Мурс фильмді қарқынды түрде 2010 жылы бірнеше «Оскар» алған әйгілі «Боран әміршісі» картинасынан кем қылмай түсірді. Брэндон Бартл (Олден Эренрайк) және Дэниэл Мерфи (Тай Шеридан, «Бірінші ойыншы дайындалсын», «Икс адамдары: Ақырзаман») Ирактағы қызмет кезінде досқа айналды. Олардың взводтары торуылға тап болған соң, қайғылы оқиға орын алады, Бартл үйіне қайтады, ол қалыпты бейбіт өмір сүріп, қайтыс болған досы Мерфидің (Дженнифер Энистон) анасына көмектесуі тиіс. Ол соғыста болған жағдайға көндігуге тырысады, сол кездегі сұмдық оқиғалардың күңгірт құпиясын барынша сақтап жүреді.
«Сары құстар» әскери драмасы 2018 жылдың 15 маусымында айналымға шығады.
.jpg)
пікірлер жоқ, бірінші болыңыз
Пікір қалдыру үшін