«Ол» хоррорының жұлдызы Финн Вулфард өзін рок-музыкант ретінде сынап көрді
«Ол» хоррорының және «Өте біртүрлі әрекеттер» хикаясының жұлдызы Финн Вулфард қазір Голливудта сұранысқа ие тинейджерлердің бірі. Актер музыкалық дарынын да көрсетіп келеді. Сәрсенбі күні ол Calpurnia тобымен бірге «City Boy» атты алғашқы хит-синглін таныстырды. Олардың музыкалық бейнежазбасы шатырда жаттығып, кезекті шедеврге дайындалып жатқан жасөсіпірімдерді бейнелейді. Бейнебаянды көңілді әрі ессіз анимация элементтері еселей түседі. Роликті Джози Маршалл түсіріп, монтаждаған.
Ұжымның 15 жасар белсендісі Вулфардпен қоса, Calpurnia құрамына тағы да үш музыкант кіреді: Эйла Теслер-Мэйб (гитара), Джек Андерсон (бас) және Малкольм Крэйг (барабан). Топ The Royal Mountain Records лейблімен келесім-шарт жасасты.
«Осы бейнебаянды түсірген уақытта көптеген ләззат алғанымызды көрсете аламыз деп үміттенеміз. Бұл музыка – шынында, бірігіп туынды жасауды жақсы көретін және музыканың адамдарды біріктіретініне сенетін достардың ортақ еңбегінің нәтижесі», - дей келе, Calpurnia музыканттары дебютті жұмыстарын таныстырды.
.jpg)
пікірлер жоқ, бірінші болыңыз
Пікір қалдыру үшін