«Еуразия» кинофестивалі: «Бір күн»
«Еуразия» кинофестивалінің байқау бағдарламасы тосын сыйлар мен күтпеген жағдайларға толы. Мысалы, биылғы жылы байқауда корей киносы, атап айтқанда Ли Юн-гидің «Бір күн» фэнтези мелодрамасы мүлдем басқа бағытта көрсетілді.
Жақында ғана әйелінен айырылған сақтандыру компаниясының жас қызметкері Кан-су жол көлік оқиғасын зерттеу туралы тапсырма алады. ЖКО нәтижесінде көзі нашар көретін Ми-со аурухана төсегіне таңылады. Кан-су алдымен ауруханаға барады да, сол қыздың елесін көреді. «Бір күннің» кейіпкерлері бірге алыс саяхатқа шығады. Ең соңында Кан-су көзі нашар көретін қыздың қалайша жолға таяқсыз жалғыз шығып кеткенін білетін болады.
Ли Юн-гидің шығармашылық өмірбаянында фестивальға бағытталған бірнеше жұмыстары болған, тіпті солардың біреуі Берлинале байқауына өткен. Сондықтан, режиссердің «Еуразияда» «Бір күн» фильмін таныстырғаны қызық болып тұр. Өйткені, картина әйелдер қауымына бағытталған әдеттегі мейнстримді мелодрама ғой.
Жалпы, жанрлығы Ли Юн-гидің жұмысын құртып тұрған жоқ. Керісінше, «Бір күн» картинасы – қарапайым әрі әдеттегі хикаядан әдемі, поэтикалық кино түсіруге болатындығының дәлелі. Фильмнің шолу бөлімін картинаның ең мықты құрамы деуге болады. «Бір күннің» жалғыздық пен өлім жайындағы сюжетіне қарамастан, фильм өзінің жарқын бояулары арқылы көрермендерге үміт сыйлайтындай.
«Бір күн» картинасының артықшылығы – әмбебаптылығында. Картина авторы эклектикаға, жергілікті немесе фестивальды жағдайға аса назар аудармаған. Сондықтан, болашақта Азия немесе Еуропа елдері кинематографистерінің түсіруімен фильм ремейктері пайда болуы мүмкін.
Сонымен қатар, картинаның негізгі құралы - басты рөлді сомдаушылардың, корей киносы мен телевидениесінің жұлдыздары Нам-Гиль Ким және У-Хи Чхонның керемет еңбегі. Актерлар арасындағы байланыстың арқасында фантазиялық көріністерге қарамастан, экранда болып жатқан оқиғаларға кәдімгідей сенесің.
Әрине, картинаны кемшіліксіз деуге де келмес. Ли Юн-ги мелодраматизмді тым асырып жіберген секілді, соның әсерінен ауру балақай мен әкесі екеуінің көріністері ұзаққа созылып кетеді. Олар баланы аман алып қалу үшін сақтандырушылармен қулыққа барады. Мұндай спекуляция телевизиялық хикаяларға тән. Ал драмада өлім аузында жатқан қыз бен қайғырып отырған жігіт көрінісі арзандау көрінеді.
Оның үстіне, музыкалық эпизодтар да шектен тыс қолданылған, режиссер осылайша бос жерлерді толтырған сияқты. Музыка әдемі мелодияларға қарамастан, қандай да бір мағынаны бере алған жоқ.
«Бір күн» фильмінің «Еуразия» фестивалінде жеңіске жету мүмкіндігі аз секілді. Картина «Гран-приден» үміттене алмайды. Тек У-Хи Чхон «Үздік әйел рөліне» ілігуі мүмкін, дегенмен байқауда екі мықты үміткер бар.
Киноға Кәрім Қадырбаев барды
Оцените рецензию
пікірлер жоқ, бірінші болыңыз
Пікір қалдыру үшін